◇ｔＥｒｅＳａ◇認同我的想法，支持我的工作，看著我的成長。

好耐都冇寫過blog lu，因為近排真係好多野做！！忙著考試、忙著交功課、忙著打case、忙著交計劃書、忙著我帶領的義工隊、忙著參加各種不同類型的聖誕聯歡會，，，，近期的我，只有不停的忙著再忙著．．．雖然一點也不快樂，但過程中也有享受的時候！！很矛盾既呢！！

近期由於不停地忙著，所以身體差了很多，因為我晚晚也忙著傾電話，晚晚都三四點先訓，忙著同我親愛的朋友仔傾，有她、他以及他，ｈａｈａ！！！謝謝你地三個，讓我每晚訓之前都可以開心地入睡哦！！錫曬你地！！！>3<

琴日中午都唔知做乜鬼，我突然全身敏感，成身都紅曬，塊面都係丫，本身約了她去行街街嫁，唔好意思丫，臨時去唔到！！！之後去左睇dr，超餃笑lo，我未見過咁餃笑既dr嫁，救命丫！！！好彩食左d藥訓左一陣，好返好多咋，如果唔係都唔知點算，我咁大個女都未試過全身咁樣敏感嫁！！嗚嗚！！！

食左d藥休息左一陣，我就出去陪他買禮物，當然我又點只陪咁簡單丫，我都有大掃貨，我一個人掃左三對拖鞋，係咪好餃笑呢？？係行街既過程裏面，我地兩個都好似大細路咁，兩個不停咁笑，仲不時比佢串我添，哼，我忍你！！死仔！！

最後，我真的很多謝她、他以及他，因為近期我真係好唔開心，好彩有你地三個，晚晚輪流陪我傾電話咋！！謝謝你地哦！！小女子無以為報！！！

好耐冇上過黎啦！因為近期既生活相當充實，返工、返學、培訓、mary kay，我既schedule差唔多係全full，你問我辛苦嗎？係辛苦，但唔知點解仍然都係咁開心！！>3<

正當係充實既時候，我既壓力與情緒又開始發作la！！

近排發生左好多事，一下子咁大既轉變，讓我既情緒很不穩定，一時高到飛上天，一時就低到谷底，好辛苦丫！我不喜歡坐過山車同玩跳樓機，可否放開一切，因我只想大哭一場！！~_~

近期既我真係好辛苦，想做好一切，為的都係想做d成績比人睇，唔想比人覺得我冇用，但咁辛苦真係唔知為左咩？有人認同我嗎？有人明白我嗎？原來做咁多野都係冇用，因為那些成績，對他們而言，也是我的份內事，我真的想徹徹底底的放棄，但真的容許嗎？

Le幾日我真係好down，我不停咁係到嗯，我到底在幹甚麼？為甚麼人大了便要獨力面對那麼多問題，累了、攰了，想哭但哭不出聲，有人明白嗎？慶幸的是，昨天我終於喊得出，成個人鬆了一鬆！

最後，謝謝魔術先生對我一直以來的支援，以及他的一句話：「努力而得不到認同，但自己卻不能質疑自已，因為只有自己明白自己！」謝謝你哦！>△<

仲有兩個月，08年就會過去la，一年既時間，話長唔長，話短唔短，係le一年裏(尤其下半年)我有了很大的轉變

Ø         首先由完成了三年既大學生活，由讀社工變成做社工，有時會有力不從心的感覺。

Ø         由家人比零用錢自己轉變成比家用屋企人用。

Ø         由YM社工變成SKH社工。

Ø         由沒有護膚知識變成了美容顧問。

Ø         慢慢變得愛打扮，慢慢地不斷成長，慢慢愛上了分享。

現在的我，不但是一位社工，同時也是一位美容顧問。

現在的我，希望得到身邊既人對我既認同，認同我的想法，支持我的工作，看著我的成長。

接下來同你地分享下Mary Kay 11月優惠啦

1.      凡於2008年11月內，每購買產品達零售價HK$888，即可獲贈小巧精緻的「限量迷你版礦研四色眼影」1盒*，多買多送，送完即止！

2.     佳節獻禮精選組合:

3.     美目櫻唇套裝
水嫩孖寶套裝

4.     經典草本護膚系列特別獎賞 (每購買1套「經典草本護膚系列」，全套包括4款相同配方產品：潔面乳、面膜霜、爽膚液及潤膚乳液※(零售價HK$895)，即可獲贈媚妍晶潤唇彩 - 自然光彩色1支*，價值HK$130。數量有限，送完即止。)

P.S.希望你地都會認同我的想法，支持我的工作，看著我的成長。得閒打比我同我傾下計啦！！

係我返第一份工哥時，大杉送了我最心愛的KUROMI筆筆比我，很開心哦。

 而係琴日，我收到了我２１歲生日的最後一份生日禮物哦，是傻福強送的，也同樣是我最心愛的KUROMI筆筆哦，感覺很特別，我最心愛的KUROMI令令終於團聚ｌａ～～～很開心哦，比你地睇下。好令令嫁！！！

　　星期六哥日，同美仙去報左個英文course去update自己既英文，報完之後超大雨哦，之後就一齊搭的士，美仙仙返工，我就理工等大杉收工，之後大杉黎搵我，返A213 print完野之後我地兩個都肚仔餓，但因為太大雨，我地楂呠呠車去八佰伴食野，之後行左一陣，去左Sanrio，我睇到玻璃櫃到放左d好靚既錶同筆，突然見到我最愛既Kuromi，好令令丫，我好鐘意哦，但我禁住自己冇買到，之後就搵埋大杉mama一齊行八佰伴，仲買左好多野添！！

　　今日大杉放工之後就黎搵我，我地本身去食m記既，但乜餐都冇，呆曬lo，之後就去左食我最愛既糖水，係車到哥時，大杉拿左個袋比我，我一見到Sanrio個袋，第一時間就嗯到，我有le間野張卡，有折，點知大杉話：「唔通我問你借張卡買野比你咩？」聽到，呆了，又係喎！！

　　當我一打開，我大叫KUROMI？便問：「點解買支筆比我既？」答道：「哥日你見到你話令同鐘意丫麻，你天日又第一日返工，咪買黎送比你lo！」我聽了，真的很開心，因為我真的很鐘意，不過最開心的，是他有留意及記住我平時說的話，很開心哦！！我會日日帶住係身到，好好咁用、好好地保護它！！

　　2008年7月1日，對我來說是一很重要的日子，是我脫離學生身份，踏上學生輔導員身份的日子，是我們兩年零四個月的日子，是我哥哥的2X歲生日的日子！！

Kuromi ～～I Lover You & Amigo!!  +.+

　　仲有一個月就生日lu，好快又老一年，感覺很特別，因為今年係好大轉變既一年，由學生的身份變成社工，開始要為社會效勞，要為屋企出一分力！！

　　在早近，真的很不開心，因為好多既阻礙，我的學業、我的工作、我的家庭、我的旅行，感覺真的很不開心。

　　不過一切都過去了，現在我只要擔心我的工作，本以為已安排好，但今天聽到的消息，令我有點矛盾與迷惘，我該如何選擇？我要的是理想的工作定還是任一的工作？

　　考完試之後，本應可以大覺睡，但我偏偏晚晚皆睡不著，身體累得要很，心靈也痛得要很。

　　今朝好早起身，便陪了家人吃早餐，盡乖乖女的責任，感覺很特別，自己好似小朋友咁陪家人吃早餐，很久也沒試過，因為平日的我一起床已是下午，又怎能吃早餐呢？接著便陪家人到墳場辦理有關嫲嫲將要起身一事，轉眼間她已離開我八年有多，還記得她離開的時候，我跟姑媽哭得要命，我甚至想過跟她一起離開，心有點酸。每每去到她的墳前，我總是沉默不語，但我會用心去跟嫲嫲說話，用心去回想那過去的片段，既然她已離開了我，她定必想我快樂，不願看見我傷心的。

　　每次到墳場，我除了與嫲嫲用心說話外，我更會到太婆墳前與她說話，她很錫我，我是唯一一個她湊大的曾孫，當時她已七十多歲，所以小時的我很聽她話，我感到她對我的愛，到了她老了不能再走動的時候，她也不停講述我小時的片段，我喜歡握著她纖纖的手，當她離去時，我比上次嫲嫲離去時哭得還要利害，心好像碎了般，d人話人到了八十歲才離開是應該笑著送她離開的，但失去的是至親，又豈能笑得出呢？

　　以前我一有唔開心，我都會同身邊我認為值得信任的好朋友講，希望可把心中的不快說出，我並不祈求她們安撫我，只祈求她們願讓我發牢騷、讓我發洩，但有件事我收係心到差不多三星期了，因為要考試，所以我沒有真正地發洩過，不是它傷我不深，而正因傷得太深，我不懂該如何發洩，本想讓時間沖淡它，但做不到。

　　今天起床起得早，所以很快便想睡，十一點多便上床睡，到了點半，我發噩夢，我夢見畢業禮當天，所有同學都在笑，笑的卻是我，在畢業典禮上，院長竟在台上宣讀特別課程的同學，GPA是全班最低的那位同學是……Sin Ka Tong，聽到了，我便暈了，就這樣我便醒了，躺在床上輾轉反側都睡不著，腦海中不停浮現第二段實習比分當天的情境與分數，想了很久，為何當天看見分數與心中的分數有很大差別是，為何不說出理據，只懂呆望分數哭？？？

　　是次實習我被安排了一間既似學校、又似外展既單位實習，在那裏，我要被上段實習更要主動與學員聊天，起初仍處於被動間，但很快便識認了，主動與學員聊天，本以為自己做得好，但在機構與導師心中，我仍是被動的一個。

　　於實習期間，我的工作量不被其他同學仔少，甚至多於他們，因為每星期五機構皆有活動，作為實習生的我起初是以協助身份，到了中後期卻是帶領的身份，只不過我所做的，卻不包括我的工作量內，有時心想，反正也不計，點解要花那麼多心機與時間落去？但我的行動卻與思想相反，我不但沒有草草了事，更會好比心機去準備每星期之活動，只可惜………

　　我發覺自己不懂為自己爭取，別人說我這裏做得不好、那裏做得不好時，當刻我好像被他催眠一樣，渾渾噩噩般，但過後卻會想到很多理據為自己辯駁，澄清對方對我的看法，只可惜一切也來得不遲，如果時間可以倒流，我希望回到那時！！只可惜……這已成了不能改變的事實。

　　快要離開學校的我，本是開心的，但我卻一點也不enjoy，因為同我想像中真的差很遠！！

　　離開學校，首要條件是找工作，我寄了四封求職信，但只有一封有回音，但可惜見了兩次後，音訊全無，難道一看求職信便知我不適合當社工？

　　由細都大，我都好慶幸，可以年年去旅行，但感覺好像差少些甚麼似的，直至高三那年，我才意識到，我差的……是㊣朋友㊣。

　　三年前，即高三畢業旅行的那年，我真的很開心，雖然在旅程中我的腳凍傷了，但卻讓我體會到同學們對我的呵護與愛，腳雖痛得很，但心卻是甜甜的，你們為我那雙冰腳取暖，男同學們就背我上路，我真的感到你們對我的那份愛，謝謝你們。

　　去年，我真的想藉學業生涯結束前，與一班好友一同去旅行，但可惜被家人反對，說我還小，還未畢業，更說，想旅行我地同你去，但試問與好友一同去與家人一同去的分別是多麼的不同？那種感受有誰會明白？

　　到了今年，我即將與學業的生涯劃上一分號，因為我要工作，我多麼的想與朋友們一同去旅行，一早我便約了兩位朋友及她們的男友，本應可六人一同玩過痛快，但因為時間上的問題，我們分開了各自去旅行，最後只剩下我跟大杉，這次的旅行給了我無比的推動力，因為我實習與考試時，曾想過放棄，但因我知道，只要我捱過了，我便可以去台灣玩過痛快。

　　台灣的旅行，使我好比心機咁去考好個試，考試過後，我亦好比心機咁做功課，睇左、買左好多參考資料，本想搜集多點去台灣的資料，所以計劃都準備好，酒店選好了，準備訂機票之制，給家人反對了，我真的很想去，但有誰知？你們只懂反對，說兩個人住一間房…..我真的是你們想像中那樣嗎？為甚麼要這樣看我們，我們是為旅行，不是做你們所想的，我沒有你們那麼污穢，我恨你們。

　　正當恨你們之時，樹樹的心跳與氧氣又作怪了，經醫生診斷後，他於接下來的兩星期內，將要接受手術，我聽了，呆了，我想離開澳門一星期，但為何會這樣，為何會有那麼多阻礙？

　　我把事情告訴大杉，他聽了，停了一頓便收線，收線前便說了一句：「咁係la，冇野la，byebye」接著便cut左我線。我會著電話呆了，淚水也從眼中不自覺地流了出來。為左旅行le兩個字，他於去年七月及今年四月，也曾叫我陪他一同去，但兩次都被家人拒絕了，我們亦為此而吵架了好幾遍，沒想到，滿懷歡喜的這次旅行，亦要告吹，我知他心裏一點也不好受，但我何嘗不是？

　　沒有工作、沒有旅行，甚麼也沒有，我的擔心有誰明白？我心裏的痛又有誰明白？？

好開心可以完成實習，係比分哥日，我終於為實習流下了第四次淚水，我曾為實習放下了不小心血，為實習哭過、累過、努力過，但分數卻這樣，我自問自己不適合做社工，你說得對：我le種性格係le一行…所以我不被聖記取錄是有原因的，但我可以點做?我已不停咁去令自己變得主動點、活潑點，難道不被人看見?怪的只怪我那慢熱的性格以及我過往的生活。

過往我是生活於一個溫室的環境中，父母、親人對我無微不至的照顧，完成經不起任何的挑戰與風浪，直到高二升高三那年，那個難關使我跌得很痛，亦使我明白不可再在這環境中生活，我開始脫離那生活，但生活了十幾年，不是想脫離便脫離，我努力地改變，一步一步，過程中真的蠻苦。

到了大學的生活，我心知讀社工更必須把這性格改變，我努力的，有誰能看見，人人都說我不足夠，這樣不好、那樣不好，但有誰欣賞過我的努力?累了、心淡了，想放棄，但可以嗎?

下星期便要考試了，很想考好那個試，於是我便提早了溫習，但卻怎樣溫也是空白一片的，我不想那樣，我只想盡能力考好個試，但我的能力在那裏?

   我份人衰就衰左太易信人，無論以前、現在也是一樣。但真正的友誼，不是彼此信任、用心去維繫咩？我信任、維護我的朋友，那有錯嗎？

   前幾天發生了一些事，我的好朋友請求我的幫忙，同時亦請求我不要告訴別人，我答應了替他保守，因為我是一位準社工，做社工首要條件是保密，更可況是友誼，但過了第二日晚上，我得知了事實，才發現那位好朋友在呃我，當時我好無助好想喊，點解我用個心去同你交朋友，但你卻這樣對我，我平生最憎人講大話呃我，但你竟然一次過說了兩個同樣的大話，可笑的是我全不知情。

   到了今天，另一位好朋友打給我，說我為何要替他講大話，我不是在講大話，我是替他保守秘密，那有錯嗎？我很不服氣，但礙於當時我在實習，唯有沉著那肚氣，我找了我的好朋友仔傾訴，因為我真的很不開心，好想喊，但我可以嗎？我同時被人誤解與欺騙，我明白你很替他擔心，但我才是受害者，有誰同情我？實習完，我打給那位誤解我的朋友，向她說過明白，我一邊喊一邊解釋，本以為她真的明白，我開心極了，但可惜，到了晚上她的一個短訊，再次把我打在谷底，到底我這樣做有錯嗎？兩個都是我識了三年的好朋友，你叫我該怎樣選擇？

被人呃與誤解，感覺真不好受，經過這次事，我於一天裏，失去了誤解我與欺騙我的兩位好朋友。

　　早排有一段很長的日子，我真的很不開心，心情down得不知該怎樣形容，但上星期，睇完Jay之後都好開心，但點解開心既日子過得咁快？到了星期三，supervision出了中期評估，在一起討論分數時，我真的想把耳、眼關上，因為我真的不想看，看著那分數，雖然並不代表我最終的分數，但心中有一點酸，他說我細路女，同人傾計時，好似成日都心不在然咁，他把我的弱點說中了，因為好多人都話我唔得成熟，成日都傻下傻下咁，亦因為我le種性格，所以好多時都被人呃，點解個個都要呃我？我係咪真係咁傻、咁蠢？

    那天supervision後，在離開理工，在晚上回家的路上，我又一次在街上喊，明明五分鐘行完既路，結果我用了大半個鐘行，因為我不想回家，我不想讓屋企人見到我的樣，因為我怕他們擔心。

    而星期五實習，le日實習係咁來以黎最開心既一日，因為佢地今日有一個家聚，家聚分成小同大，小既係社工約自己既cl食飯，而大既係全新動力一齊食飯，感覺得特別哦，好似一家人咁，正哦，而到左下午，平時我覺得星期五下午係特別辛苦既，因為冇學員，各員工都各自忙自己既野，本身我都嗯住做下d paper，但今日其中一位上午班既學員食左飯之後同我地一齊返機構，於是我負責了應酬她，我與她玩了一個下午，先玩猩猩、五字棋、uno，我發覺自己真係好似個細路女咁，一齊陪佢癲，我好耐未試過笑得咁真、咁開心，而佢都話：teresa成個小朋友咁傻鬼左，哈！就係咁，我地兩個傻婆就笑左成個下午。

到左夜晚，我同大杉、志良同小鳳（本應有埋美仙同宗既）一齊去英皇食我最愛的buffet，正哦，仲係到見到maymay添，真係好耐冇見哦，我地四個一邊食，一邊傾計，講下d傻野，真係好開心哦，不過掛住傾計，連得返我地一枱加停車場過鐘（本身兩小時免費的）都唔知添，真係傾到樂而忘返哦，不過開心既時間過得特別快，係時候又要講byebye！

到左星期六，我參加了社工同學會搵既康體日，一向運動白痴既我，居然乜都參加，我哥時同屋企人&大杉講我參加，佢地都笑我，無奈！

係哥日朝早，訓訓下突然好叉肚痛，之後呆了，你為何那麼不合時哦，人地今日仲要比賽哦，成左兩粒止痛藥加杯面後就返理工，運動白痴入球場lu！點知，我地一共要賽三場籃球，因為我真的是一點也不知該怎樣做，在比賽中，我的作用＝沒用，對住哥三個女生，發覺自己真的不及她們，到底我的作用是甚麼？我好想幫佢地手，但我真的不知該怎樣幫，好彩到最後我地都拿到冠軍，可惜功勞不是我，是king、andrew & korea，謝謝你地哦。

之後因為我三場都冇休息過，所以冇去踢足球，玩了雪梨。之後我地玩拔河，多謝king sir教導，我地先可以再拿冠軍。另外我同king sir參加了二人三足障礙賽，我地仲傻下傻下咁拿左冠軍添，我人生的第一面金牌，哈，證明了我不是運動白痴。今日真係好開心哦，今次康體日，我地特別課程既同學拿曬所有既冠軍（除了師生足球賽），而今次比賽的朋友仔有：Teresa、king sir、korea、andrew、雪梨、文鳳、志良、梅梅、大姑奶、胸肌，我地一行十人，玩轉了同學會的康體日，當中的笑，或許永記在我們十人心中哦。

完了比賽，便馬上飛車返屋企沖涼，之後就同舊朋友仔出去食飯，數下手指，我地都耐冇見lu，而家各有各忙，真的很難得哦，我們三個都胖了少少，傾傾下，原來我地另外一位朋友仔已經結了婚，還做了人的媽媽，真羨慕哦，雖然大杉成日同我講我都可以，但我不想那麼快過這種生活，因為我想闖一番先，待我闖完先會過這種生活哦！

這星期的五及六我都非常之開心哦，但開心過後，我還有很多的paper等緊我去同佢開心，心情即刻down曬。

      或許我第一次既實習地方，無論開小組及個案，都來得較順利，我只是擔心如何做得更好便可以。但是，這學期，我真的有點怕、有點驚，我不知該怎樣應付？我怯、我怕自己會肥！我心中的矛盾、掙扎，到底有誰能明白？

      在新的實習地方，學員人數不多，所以個案及小組已成了我第一個問題，小組該開甚麼？個案該如何開？到底我該如何是好？我只想好好地努力，把GPA拉高一點，但為何會是這樣？

      今天的一件小事發生，令我對她的恐懼加深了，到底我該如何與她相處？

各位實習既同學仔都陸陸續續站上了各自的崗位，面對那長達十四週的艱苦戰。

上學期我到了鮑思高青年服務網（學校社會工作部）－慈幼中學，各位慈幼仔仔都對我好好。這學期，我卻到了聖公會澳門社會服務處－校園適應服務計劃，le個計劃我都係第一次聽，非常非常之陌生，點算好丫！而我這學期既supervisor就係梁啟賢(KY)，好多人聽到我跟佢，都話我唔洗驚la，實唔會肥la！！因為我從未接觸過他，所以真的有點擔心，點算好呢？

        在20號早上，KY就同我一齊去左機構到會面，那種感覺就好像我上學期第一日係慈幼門口咁，腳都震曬，經過波仔既一返介紹及遊覽後，我對新動力有了初步的認識，波仔仲帶我到學員上堂既地方打左個招呼，或許係第一次接觸一些輟學既學生，所以有點不自然的感覺，這裏就是我接下來十四週工作的地方。

        21號是我第一天實習的日子，我七點鐘就起左身，距離我返實習既時間仲有兩個半鐘，因為我驚遲到，所以我八點就出左門口搭車，點解屋企唔比我考車丫？我唔想再迫巴士la，我就快變杮餅la！結果八點半就到左筷子基，距離我返實習既時間仲有一個鐘，於是我就周圍逛，睇下附近既有那些中心，行左大約四十五分鐘，隻腳好鬼痛，於是我就坐左係一邊等開門，終於見到有人開門啦，我行埋去同佢講我係新黎既實習社工，之後先知原來她就是中心主任，好清純哦！！

　　而亞榮係第一個返黎既，佢同Cara玩足球機，Cara仲邀請我一齊玩添，一向運動白痴既我，梗係不停咁比人入球la，睇黎我打後既十四週都會一早做運動（足球…機）哈哈！！

　　到左學員上堂，我仲陪佢地一齊上添，哈，我又再次上數學堂la！H.C.F & L.C.M我又同你見面la！上完堂我仲睇佢地打機添，又係機痴，點算丫，我咁多野係都白痴，點同佢地相處？

　　下午食飽飽之後就去左我另一個實習既地方，祐漢美蓮大廈，下午好冷清，冇學員返，餃到我唔知做乜好，勁眼訓既呢，於是我就編好我既實習時數，岩岩好339小時，good！！！

　　因為琴晚返到屋企，好攰加上有少少唔舒服，食飽飯之後本身嗯住訓返兩個鐘之後做paper，點知我由八點半訓到第二朝既八點，大獲，我唔記得做daily log，唉！第一份paper已經遲交！

因為早上落雨，所以大杉過黎車我返實習，但係我就勁眼訓既呢！返到去，當然係先打卡後做運動la，仲洗講既？之後我打比KY問佢拿清新教育研究協會負責人既電話，臨收線時，佢就話：你琴日唔記得交daily log！Sorry丫，我琴日太攰，所以訓著左丫！唉！就係咁比左個壞印象！

　　新動力本身得六位學員，但我返左一日半，只係見得四位，要到三月先會多一批約十人既學員，死la！supervisor希望有三隻case加一個小組，應該開d咩小組呢？到底佢地既需要係咩丫？救命丫！

　　係下午，我就一個人去左黑沙到參觀清新教育研究協會，本身係大杉車我去既，但係佢太攰la，由於時間唔多既關係，加上又落雨，所以佢叫我搭的士過去，嘩！我咁大過女第一次坐的士過黑沙，加埋附加費，承惠76大元，去到門口打比負責人，佢話佢病左冇返喎，係哥時我真係好火，我搭左過黎你話冇返？好彩佢叫左另一位負責人接待我，入到去我都係問一d好basic既問題，但係le位負責人就不停咁問我：「仲有冇其他野想問添丫？」大佬，你好趕時間咩？等我嗯下仲有冇野想問先得唔得丫？點知佢就話：「其實來來去去都係哥d野，要接觸過先得既！因為約左一位學員既家長見面，我都有少少趕時間，你知啦，係le到搭巴士過澳門都要一個鐘，你仲有冇野問添丫？」我即刻呆左lo，由我到至走，只係用左短短三十分鐘，咁就要我由澳門搭成七十六蚊的士過黎，有點兒那個呢！！